28 FilmFest Dresden. International Short Film festival

©Ruzan Petrosyan Photographer

           Գերմանիայի Դրեզդեն քաղաքում ապրիլի 12 -ից 17-ը տեղի ունեցավ  կարճամետրաժ ֆիլմերի ամենամյա միջազգային փառատոն: Այս տարի 28-րդ    թողարկումն էր: Չնայած Եվրոպային հատուկ անձրևային խոնավ եղանակին,  ֆիլմասերները մեծ ջերմությամբ ու ակտիվությամբ էին մասնակցում դիտումներին: 
 Ասել է, թե՝ եղանակն այստեղ ետին պլանում էր, կարևորը թեժ մթնոլորտն էր:

photo from the site of Dresden festival 

               Փառատոնն իր շուրջ է հավաքում տարբեր տարիքային շուրջ 20 000-ից  ավելի ֆիլմասեր հանդիսատեսի, և ունի 500 հյուր այլ երկրների լրատվամիջոցներից: 

 Դեռ ստեղծման օրից  ազգային և միջազգային մրցույթներում ներկայացվում են  փառատոնի ծրագրային ֆիլմերը: 12 առանձին ցուցադրումներից մոտովորապես 80 ֆիլմ  մոտ 20 երկրից բարձրանում է համաշխարհային էրկրաններին:

 Բացի խաղարկայինից, ներկայացված էին մանկական ֆիլմեր, ինչպես նաև՝ անիմացիոն:

 Կազմակերպիչների հավաստմամբ՝ ամեն տարի շուրջ 80 երկրներից ստանում ու  ներկայացնում են մոտ 2000 –ից ավել խաղարկային և անիմացիոն ֆիլմեր, որոնք  մրցանակի թեկնածուներ են: 

 Մրցույթին ներկայացված ֆիլմը չպիտի լինի 2 տարուց ավել և չգերազանցի 30 րոպեն: 

              Յուրաքանչյուր տարի փառատոնի վերջում ժյուրին ընտրում է տարբեր    անվանակարգերում ներկայացված լավագույն ութ ֆիլմերը և պարգևում  "Ոսկե ձիավոր"-  ի խորհրանիշով արձանիկներ, որի մրցանակային գումարը հասնում է 60 000  եվրոյի: Ինչպես նաև ազգային եւ միջազգային մրցույթների համար անիմացիոն եւ  խաղարկային ֆիլմերին շնորհվում են չորս հատուկ մրցանակներ: Դրանք ներառում են  Defa  անիմացիայի առաջխաղացման պետական դիպլոմ, ARTE կարճամետրաժ  խաղարկային ֆիլմերի մրցանակը, «Ոսկե ձիավոր" Sound Design մրցանակը, ինչպես  նաև՝ Սաքսոնիայի պետական ​​նախարարության գիտության եւ գեղարվեստի      առաջխաղացման մրցանակի, որը իրենից ներառում է 20,000 եվրո:

              Այդ ամենից բացի փառատոնն ունի հատուկ ծրագրային ընտրություն, որն  ուղղված է կոնկրետ թեմաներին և երկրներին, ինչպես նաև՝ մանկական ֆիլմերին, որոնք  ընտրված են հատուկ տարածքի համար, և ամեն տարի շուրջ 230 ֆիլմ ցուցադրվում է:

 Բացի ֆիլմերի ցուցադրումից, փառատոնի շրջանակներում լինում են թրեյնինգներ,  սեմինարներ, հատուկ քննարկումներ, վարպետության դասեր,

                Իսկ հասարակության լայն լսարանի համար ամռանը տեղի է ունենում բացօթյա    ֆիլմ-տուր. քաղաքի տարբեր վայրերում ցուցադրվում են փառատոնին ներկայացված  տվյալ տարվա ֆիլմերը՝ ևս մեկ անգամ հիշեցնելու Դրեզդենի կարճամետրաժ ֆիլմերի  միջազգային փառատոնի գոյության մասին:

©Ruzan Petrosyan Photographer

                Այս փառատոնին մասնակիցելն արդեն իսկ հեռանկարային է և ֆիլմաշխարհում  առաջխաղացման և նոր ֆիլմեր ստեղծելու խթանող ճանապարհ: Որի վառ  ապացույցերից է  2004 թ.-ին Դրեզդենի կարճամետրաժ փառատոնին իր «HARVIE  Krumpet»  ֆիլմի համար մրցանակ ստացած ավստրալիացի մասնակից Ադամ Էլիոտը, ով  հենց նույն տարում շահեց նաև Օսկար:

photo from the site of  Dresden festival

                Վեց օր շարունակ դրեզդենցիները դիտեցին տարբեր երկրների ներկայացրած    խաղարկային և անիմացիոն կարճամետրաժ ֆիլմեր, իսկ վեցերորդ օրը ցուցադրվեցին  միայն հաղթած ֆիլմերը, որի վերջում տեղի ունեցավ Դրեզդենի կարճամետրաժ  միջազգային փառատոնի 28-րդ թողարկման պաշտոնական փակումն ու  մրցանակաբաշխությունը:

    Հայտնի դարձան հաղթողները:

   Միջազգային մրցույթի հաղթողեր՝

    Լավագույն Անիմացիոն Ֆիլմ-

  <Ոսկե ձիավոր> մրցանակ և 7 500 եվրո ՝ „Remember“ ֆիլմը Ճապոնիայից(2015թ.)
           - Մենք հետևում ենք գլխավոր հերոսի կյանքը: Տնօրենը փոխում է իրականությունը , երբ նա    ցանկանում է՝ ձգվելով առօրյա և գեղարվեստական գործողությունների գծերի արանքում: Ֆիլմը ստիպում  է մեզ մտածել մեր կյանքի մասին՝ գլխավոր հերոսի հիշողության գծով տանելով ճամփորդության դեպի    ներքև: Դա պայքար է ներքին միայնության և արտաքին աշխարհի միջև: Արդյոք պետք է վերահսկե՞նք  մեր կյանքը, թե՞ ոչ..

„Remember“ from Shunsaka Hayashi (Japan, 2015)

       Հատուկ Հիշատակում- 
      ինչպես նաև՝ Լսարանի Միջազգային Մրցույթ- <Ոսկե Ձիավոր> - 3000 եվրո
     "Daphné or the Lovely Specimen" - Ֆրանսիա 2014թ.

     "Daphné or the Lovely Specimen" from Sébastien Laudenbach and Sylvain Derosne         (France, 2014)

     Լավագույն Կարճամետրաժ Խաղարկային Ֆիլմ-

   <Ոսկե ձիավոր> մրցանակ և 7 500 եվրո ՝ „Over“  ֆիլմը Միացյալ Թագավորությունից,    2015թ.
  ինչպես նաև՝ ARTE մրցանակ 6000 եվրո

  - մենք այն ամենի մի մասն ենք, ինչ կատարվում է մեր շուրջը և մենք չենք կարող փակել     մեր աչքերը կամ սրտերը..

„Over“ from Jörn Threlfall (United Kingdom, 2015) , Sponsored by Public Media Authority for Private Broadcasting (SLM)

        Հատուկ Հիշատակում-
       "The Park"- Ֆրանսիա, 2015թ.

"The Park" from Randa Maroufi (France, 2015)

             Երիտասարդ Ժյուրիի Միջազգային մրցույթ- 
          <Ոսկե ձիավոր> մրցանակ և 2000 եվրո- „America“ - Լեհաստան, 2015թ.
      - երկու ընկերուհիների ամուր ընկերություն, ազատության երազանք, նույն ցանկությունը՝      փախչել առօրյա հոգսաշատ իրականությունից դեպի Ամերիկա: Սակայն այլ իրականություն  փնտրելու ճանապարհին հանդիպած աղետից հետո, մնում է միայն ամերիկյան մղձավանջը:

„America“ from Aleksandra Terpinska (Poland, 2015), Sponsored by Programmkino Ost und dem Medienkulturzentrum Dresden e.V.

          Հատուկ Հիշատակում- "#YA”- Գերմանիա. 2015
 Ինչպես նաև՝ Միջազգային և Ազգային Մրցույթին՝
 <Ոսկե Ձիավոր> 3000 եվրո 

"#YA” from Ygor Gama and Florencia Rovlich (Argentina/Chile/Germany, 2015)

  Ազգային Մրցույթի Հաղթողներ՝

 Լավագույն Անիմացիոն ֆիլմ՝ ազգային մրցանակ <Ոսկե Ձիավոր> ,3000 եվրո
 „Amelia & Duarte“- Գերմանիա/Պորտուգալիա 2015թ.
 - Կրեատիվ գաղափարներով, գույներով հարուստ տպավորիչ անիմացիոն ֆիլմ՝ սիրող զույգի  մասին, ով կորցնում է սերը և տարբեր փորձութjուններով անցնում:

 

„Amelia & Duarte“ from Alice Guimarães and Mónica Santos (Germany/Portugal, 2015)

       Հատուկ Հիշատակում՝ "Broken"  Գերմանիա, 2016թ.

"Broken" from Volker Schlecht and Alexander Lahl (Germany, 2016)

     Լավագույն Խաղարկային Կարճամետրաժ Ֆիլմ Ազգային Մրցանակ՝
   <Ոսկե Ձրավոր> մրցանակ՝ 3000 Եվրո- „On Air“ Գերմանիա, 2015թ.
  - <Փաստն այն է, որ կապիտալիստական համակարգը գտնվում է անդուդում>, այս նախադասությունն    առանձին արժանի է մրցանակի, նույնքան որ հեռավորությունն է հեղափոխական պաթոսի և ռոմանտիկ  բարդեր երգերի միջև:
    Ֆիլմը հեղափոխական երիտասարդների մասին է:

„On Air“ from Robert Nacken (Germany, 2015)

           Հատուկ Հիշատակում՝
         "The Ballad of Ella Plummhoff" - Գերմանիա, 2015թ.

"The Ballad of Ella Plummhoff" from Barbara Kronenberg (Germany, 2015)

        Հատուկ Հիշատակում՝
      "Simply the Worst" - Գերմանիա, 2015թ.
  Ինչպես նաև՝ <Ոսկե Ձիավոր> Հանդիսատեսի Ազգային Մրցանակ- 4000 եվրո

"Simply the Worst" from Franz Müller & Johannes Kürschner (Germany, 2015)

      Երիտասարդ Ժյուրիի ազգային Մրցույթ՝ 
   <Ոսկե Ձիավոր> 3000 Եվրո "Feet first"- Գերմանիա 2016թ.  
  - Հերոսները բախվում են իրար, չնայած առանձին նրանք այնուամենայնիվ անզոր են..

"Feet first" from Jonas Ludwig Walter (Germany, 2016)

     Հատուկ Հիշատակում՝
   "Life in Rugged"- Գերմանիա, 2015թ.

"Life in Rugged" from Simon Schnellmann (Germany, 2015)

         DEFA Անիմացիոն մրցանակ՝ 3000 եվրո
       „Frankfurter Str. 99a“- Գերմանիա 2016թ.

„Frankfurter Str. 99a“ from Evgenia Gostrer (Germany, 2016)

Սաքսոնյան մրցանակ
Minister of Fine Arts Promotion Prize- Wide Horizon“- Գերմանիա 2015թ., 20 000 եվրո

„Wide Horizon“ from Falk Schuster (Germany, 2015)

  Regional Filmnight Audience Award - „Für dich bei mir“ (2.000 Euro)

„Für dich bei mir“ from Clemens Beier (Germany, 2015)

Ruzan Petrosyan

Ինչ խոսք, փառատոնին ներկայացված ֆիլմերից յուրաքանչյուրը հետաքրիր էր յուրովի, սակայն ինչպես բոլոր մրցույթներում, կան լավագույներ և մրցանակակիրներ: Սակայն յուրաքանչյուր սկսնակ թե փոռձառու հեղինակի համար արդեն իսկ փառատոնին մասնակցելը հաճելի է երևույթ է, հատկապես այնպիսին , ինչպիսին Դրեզդենի կարճամետրաժ Միջազգային փառատոնն է: Շնորհավորում ենք բոլոր հաղթողներին, հատկապես այն ֆիլմերի հեղինակներին, որոնք նաև մտովի իմ ֆավորիտներն էին: Մինչև հաջորդ փառատոն:



Պատրաստեց՝ Ռուզան Պետրոսյանը
Դրեզդեն, Գերմանիա, 2016թ.

Festival de musique baroque d'Ambronay 2014: Célébrations !

Ամբրոնեյի փառատոնը շարունակում է սովորության համաձայն յուրաքանչյուր աշուն բարոկկո երաժշտության սիրահարներին նվիրել փառատոնային տպավորիչ օրեր: Այս տարին  բացառիկ է՝  նշվում է Մշակութային Հանդիպման Կենտրոնի (centre culturel de rencontre) 10 ամյակը և փառատոնի հրատարակման 35 ամյակը:

Ասել է , թե՝  2014թ.-ի փառատոնը տեղի է ունենում Celebrations խորագրի ներքո:

Անվանումը տոնական է և նպաստում է իսկապես ամբողջովին վայելել տոնը : Ընտրված ծրագիրն էլ բացառիկ է՝ Յոհան Սեբաստիան Բախ՝ Կիրք ըստ սուրբ Հովհաննեսի, Վիվալդի՝ Տարվա եղանակներ, Մոցարտ՝ Ռեքվիեմ , Հենդել՝ Իսրայելը Եգիպտոսում օրատորիան..

Ամբրոնեյի փառատոնը հատկանշական է նաև նրանով, որ ամեն տարի բարոկկո երաժշտության սիրահարներից բացի, իր շուրջն է հավաքում նաև բազմաթիվ կամավորների, ովքեր մեծ սիրով միանում են՝ իրենց ներուժը ներդնելով փառատոնի իրականացման մեջ:

Ինտենսիվ եռանդ, պատրաստակամ նվիրվածություն և գործին վարպետորեն տիրապետում. անհնար է չնկատել անձնակազմի պրոֆեսիոնալ աշխատանքը :

 Բացի այդ նաև ակնհայտ է երաժշտական կողմը՝  ժանրերի բազմազանությունը՝ բարոկկո, ջազ, տանգո, երգչախմբային, դասական երաժշտություն.. միաձուլված մշակույթային տարբեր նախագծերի և միջնադարյան բացառիկ կառույցների աքուստիկային:

Saint-Maurice-de-Gourdans 

2014թ.-ին  համերգները նույնպես բազմաթիվ էին և բաղկացած էին 4 week-end –ից, փառատոնը սեպտեմբերի 12-ից մինչև հոկտեմբերի 5-ն է:

2-րդ week-end-ի բացումը եղավ սեպտեմբերի 18-ին Ռոն Ալպ տարածաշրջանում սփռված փոքրիկ գյուղերից մեկի Saint-Maurice-de-Gourdans 8-ից 15-րդ դարերի գոթիկ եկեղեցում : Այն նվիրված էր Կարլ Ֆիլիպ Էմանուել Բախի՝ Յոհան Սեբաստիան Բախի երկրորդ որդու մահվան 300 –րդ տարելիցին, ով իր ժամանակաշրջանի նույնքան մեծ կոմպոզիտորներից էր:

Saint-Maurice-de-Gourdans

Համերգի ժամանակ Ալին Զիլբերայխի կատարմամբ՝ կլավեսին, ֆորտեպիանո (Aline Zylberajch- pianoforte & calvecin) հնչեց Կ. Ֆ. Էմ. Բախի ստեղծագործություններից ընտրված հրաշալի փունջ և զուգահեռ ներկայացվեց կոմպոզիտորի ստեղծագործական ուղին ու պատմությունը:

Aline Zylberajch (Saint-Maurice-de-Gourdans)

Եկեղեցու հնադարյան պատերի մանրանկարչության, ֆորտեպիանոյի ու կլավեսինի ձայնի համադրությամբ, բարոկկո երաժշտությության ակուստիկ ձայնը հաճելի էր հանդիսատեսին:

Saint-Maurice-de-Gourdans

 Իսկ հաջորդ օրը համերգը նվիրված էր հենց Յոհան Սեբաստիան Բախին,  “ Concert etranger” օտարերկրացի երիտասարդ երաժիշտներից բաղկացած երգչախումբը, որը Փարիզից է ու ղեկավարում է դիրիժոր Իտայ Ժեդլեն (Itay Jedlin), ներկայացրեց Բախի “Կիրք ըստ սուրբ Հովհաննեսի” (Passion Selon Saint Jean) գրքույկ Բարթոլդ Հենրիխ Բորկի (Barthold Heinrich Brockes) , Քրիստիան Հենրիխ Պոստելի (Christian Heinrich Postel)և Քրիստիան Վեյզի (Christian Weise) հոգևոր սփիրիչուելս պոեզիայի հիման վրա, ինչպես նաև մի քանի լյութերական խմբերգության 16-րդ և 17-րդ դարերի և Ավետարան ըստ Հովհաննեսի կտորից (Evangile de Jean):

“ Concert etranger-Passion Selon Saint Jean

Այս ստեղծագործությունը Բախը ձեռնարկել է 1723թ.-ին, առաջին անգամ այն կատարվել է հաջորդ տարի Լայպցիգի Սուրբ Թոմաս եկեղեցում, հետո այն ներկայացվել է մի քանի անգամ փոփոխված տարբերակով բախի մահվանից առաջ:

 

Itay Jedlin

Տպավորիչ էր Les Musiciens du Louvre Grenoble Le Son du Ciel et des Ténèbres ջազ բարոկկո համերգը ֆրանսիական  խմբի կատարմամբ՝ համադրված դասական երաժշտության և ջազային իմպրովիզացիոն էլմենտների  հետ : Որը տեղի ունեցավ Ամբրոնեյի վրան-համերգասրահում Chapiteau d’Ambronay. Բացումը  Դոմենիկո Սկարլատտիի Սիմֆոնիա N3-ով էր:

Jazz Baroque©Denis Rideau

Դասական երաժշտության գործիքների բարոկկո հնչյունների, ռոքի անբաժան հարվածային գործիքի հարվածների և սաքսոֆոնի ջազային իմպրովիզացիոն էլեմենտների միախառնումը շատ հետաքրքիր արդյունք էր ստացել: Գուցե սա ջազային երաժշտությունից հեռու մարդու ականջին մի փոքր տարօրինակ թվար, բայց կարծես ջազը նպաստել էր երաժշտական գործիքների մի տան դեմի ՝ ջութակ, ալտ, թավջութակ, կոնտրաբաս, բաս, կլավեսին, դաշնամուր, կլառնետ, սաքսոֆոն, հարվածային գործիքներ ու բորոկկո ջազ երաժշտության իմպրովիզացիա դասական հայտնի կոմպոզիտորի ստեղծագործություններից՝ Հենդել, Գլյուկ, Ֆալվետի.. : 
Մի խոսքով հրաշալի համերգային ելույթ՝ ջազի ու բարոկկոյի երկխոսությամբ: 

Les Musiciens du Louvre Grenoble 

Հաճելի երեկո եղավ կրկին Ամբրոնեյի վրան-համերգասրահում` Chapiteau d’Ambronay-ում, այս անգամ Կակտուս երաժշտական հեքիաթ-ներկայացումն էր, որի թեման բացակայությունն էր: Այն հանդիսատեսին ընկղմում էր մի փոքրիկ տղայի երևակայական աշխարհի մեջ, ով պիտի հաղթահարեր իր վախերը:

 

Cactus©Paul Pascal

Cactus

- մամա, շըըը՜շ, բայց մամա, շըըը՜շ.. , - այսպես էր սկսվում հեքիաթը: 

Բարոկկո երաժիշտների ու երգիչների, տենորի ու սպորանոյի, երաժշտական գործիքների՝ ֆլեյտայի, ալտի, ջութակի, գամբայի, ուդի գերակշռող միջավայրում հեքիաթասածը ներկայացումը դնում է պոետիկ հարթության վրա և պատմում փոքրիկ տղայի՝ Լեոյի մասին: 

Իսկ երաժշտությունն ու արտիստների բեմական ներկայացումը օգնում են հեքիաթասածին ավարտին հասցնել  հեքիաթի պատմությունը՝ փոքրիկ Լեոյի վախերի մասին:

Cactus

2-րդ րդ week-end-ի փակումը եղավ Հենդելի "Իսրայելը Եգիպտոսում" հայտնի օրատորիայով՝ Անգլիայից ժամանած ինտերնացիոնալ երաժիշտներից բաղկացած նվագախմբի և երգչախմբի կատարմամբ, խմբավար և դիրիժոր՝ Ռոյ Գուդմեն : 

Համերգը 3 մասից էր բաղկացած: Առաջին մասը կոչվում էր “Իսրայելցիների ողբը Հովսեփի մահից հետո “ (Լamentations de Israélites à la mort de Joseph): Այն թաղման օրհներգ էր, նվիրված Կարոլին թագուհուն 1937թ.:

Le Concert Lorrain - ©Benjamin de Diesbach ext 3

2-րդ մասը կոչվում էր  “Փախուստ” (L’Exode), իսկ 3-րդ մասը Կանտատ Մովսեսին` Le Cantique de Moise:

 Ամբրոնեյի փառատոնը, շարունակելով պահպանել իր ավանդույթը, Լիոնում նույնպես տարածեց բարոկկոն, այս անգամ Մոցարտի Ռեքվիեմը:

Դե ինչ, խորագրին չդավաճանելով, տոնական տրամադրությամբ գինու գավաթով նշում ենք Ամբրոնեյի փառատոնի 35- հոբելյանական տարին և ասում` մեր շնորհավորանքները: 
Մինչև հաջորդ տարի:

Ռուզան Պետրոսյան

Ֆրանսիա (Ամբրոնեյ)

2014թ.

Damien Saez - Je suis un étranger

 Դամիան Սայեզը ֆրանսիացի հեղինակ կատարող է, կոմպոզիտոր և գործիքավորող, և ֆրանսիական երգարվեստում ունի երկրպագուների մեծ բանակ: 
 Իր երգերով նա բողոքում է աշխարհում տեղի ունեցող անարդարություններից, երգում սիրո, մահվան, հիասթափության, կյանքի, իրականության մասին:

 Նա ներկայանում է տարբեր ժանրերում՝ ֆրանսիական ռոք, ալտերնատիվ ռոք, ֆրանսիական շանսոն:

 Հայրը իսպանացի է, իսկ մայրը Ալժիրից: Դամիանը 3տ. էր, երբ ծնողները բաժանվում են: Նրանք ապրել են Մարսելում, այնուհետև տեղափոխվել Դիժոն, որտեղի կոնսերվատորիան էլ ավարտել է: Սկզբում Դամիանը երգում էր հայտնի ռոք խմբերի երգերը՝ Pink Floyd, U2 ou Led Zeppelin, այնուհետև որոշեց հանդիսատեսին ներկայանալ հենց իր ստեղծագործություններով:

 Հիմնականում Դամիանն ազդվել է Noir Désir ֆրանսիական ռոք խմբի և հատկապես Jacques Brel-ի երգերից, սակայն ինչպես խոստովանում է՝ չկա նմանություն իր և Բրելի միջև: Ուղղակի նա իմ ուսուցիչն է եղել:  Երբ ես մի երգ եմ գրում նրա մասին եմ մտածում, միայն թե իմ գրածն ավելի ժամանակակից է լինում:

 Ես օտարերկրացի եմ (Je suis étranger) երգը գրել է 2012թ.-ին: Որտեղ ներկայացնում է օտարերկրացի էմիգրանտի կյանքը:

 Օտարերկրացի եմ

 երազները քաղցր Ֆրանսիայի,

 երեխաները աքսորի,

 արտագնա չարտերները
 քաղաքական ապաստանների,
 համերաշխությունն այստեղ
 բաղձանքի տեսք ունի:

 քո դաստակի ժամացույցը

 թռցնում եմ գրպանս

 ֆինանսական արքան քաջարի 

 և ցինիկ ժպիտը,

 մենք կառուցում ենք պատեր

 դու կառուցում ես ապագա՝

 անկլավի քաղաքներում,

 վախ՝ մետրոներում,

 ստրուկների երգերի ներքո,

 թռչունների թևերի տակ:

 ես օտարական եմ,

 փոթորիկն է իմ երկիրը,

 ես չունեմ գումար,

 ճանապարհն է իմ ընկերը:

 մենք քաղաքակրթությունն ենք

 դու՝ Կալեի ճամբարները,

 մենք՝ հիասթափությունը,

 դու՝ բետոնե բանակներ,

 մենք՝ չափազանց հին մշակույթ,

 դու՝ փոքրիկ բանվորը քաղաքի,

 ամրագրել մեզ, անշուշտ,

 դու՝ թիթեղյա քաղաքների դժոխք,

 մենք՝ արծաթե բաբելոնի գործընկերներ,

 մենք՝ մարմնավաճառներ,

 դու՝ գարնան աչք,

 մենք՝ տեղի գողեր,

 դու՝ բռնապետության որդի՝

 մեր նավթերի,

 դու՝ անձրևաջուր խմող..

 ես օտարական եմ,

 փոթորիկն է իմ երկիրը,

 ես չունեմ գումար,

 ճանապարհն է իմ ընկերը,

 ես օտարական եմ,

 և այդպիսին է իմ ճանապարհը, 

 ես այրել եմ իմ թղթերը, 

 ես կիսում եմ իմ գինին:

 աղբը հավաքելու համար

 աշխատում ես դու լուսաբացին,

 մենք նայում ենք երկնքին,

 դու ոլորում ես մարմինդ,

 հույսը նկուղում է,

 դու՝ քրտինքի մեջ կորած,

 ստրուկների երգերի ներքո,

 շահույթն անսիրտ է:

 բոլորն՝ առանց թղթի,

 բոլորն՝ անօթևան,

 բոլորն՝ օտարանդու որդիներ,

 բոլորը՝ հրդեհի զավակներ:

 ասա՛, ինչու՞ քացր ֆրանսիա,

 ես տեսնում եմ միայն անբարեկրթություն,

 ավելորդ ֆաշիզմ,

 երկիր մեր մանկության:

 ես օտարական եմ,

 հողն է մեր երկիրը,

 ես չունեմ գումար,

 ճանապարհն է իմ ընկերը,

 ես օտարական եմ,

 և այդպիսին է իմ ճանապարհը,

 ես այրել եմ իմ թղթերը,

 ես կիսում եմ իմ գինին..

 թարգմանեց՝

 Ռուզան Պետրոսյանը

1789 Les Amants De La Bastille

1789թ.-ի գարնանը, երբ Ֆրանսիայի թագավորությունը ամայացավ սովից, Լյուդովիկոս XVI-ի արքունիքը Վերսալում ամեն ինչ վատնեց ՝ առանց հաշվարկելու, մարդիկ սկսեցին ըմբոստանալ, և մոտակա ապստամբությունը հասունացավ:
Հենց այս համատեքստում , երիտասարդ ապստամբ գյուղացի Ռոնան, ում անարդարության պատճառով զրկել էին իր հողից, գնաց Փարիզ, որտեղ էլ հանդիպեց Օլիմպին, ով Ավստրիայի Մարի-Անտուանետի երեխաների ենթա-դաստիարակչուհին  էր: Նրանք երբեք չպետք է հանդիպեին, ուր մնաց՝ սիրեին միմյանց.

Ֆրանսիական հեղափոխության թոհուբոհի ներքո, երկու սիրահարները կապրեին անհոգ ու գեղեցիկ , որը արգելված էր, կբացահայտեին ավելի ռոմանտիկ ու ավելի խենթ խարդավանքներ՝ այդ ամենին ընկերակցելով ավելի հայտնի հեղափոխականների, ինչպիսիք են գործիչների, ինչպիսիք են Ժորժ Ժաք Դանթոն, Մաքսիմիլիան Դե Ռոբեսպիերը, ինչպես նաև Կամիլ Դեմուլեն :
Իրարից բաժանվելուց և դարձյալ միմյանց գտնելուց հետո, Օլիմպն ու Ռոնան իրար գտան 1789թ.-ի, Հուլիսի 14 - ին, Արքայական իշխանության, Բաստիլի գրավման, խորհրդանիշի դիմաց , որը կնքեց նրանց  ճակատագիրն ընդմիշտ:

Les Amants De La Bastille "Բաստիլի սիրահարները" ֆրանսիական երաժշտական ներկայացում է, որի պաշտոնական ցուցադրումը եղավ 2012թ.-ի հոկտեմբերի 10-ին: Լիբրետոն՝  Դով Ատտիայի, Ալբերտ Քոհենի և ֆրանսուա Շուքեի , խոսքերը՝ Դով Ատտիա և Վենսան Բագիյան : երաժշտությունը Ռոդ Ժանուա, Ժան-Պիեր Պիլո, Օլիվիեր Շուլտհեյն, Վիլիամ Ռուսո, Դով Ատտիա:

Ներկայացման առաջին սինգլը՝  Ça ira mon amour -ը 2011թ.-ի հոկտեմբերի 3-ին էր, Ռոդ Ժանուայի մեկնաբանությամբ՝

երկրորդ սինգլը՝ խմբի կատարմամբ ՝ Pour la peine-ն էր, 2012թ-ի փետրվարի 27-ին:

այնուհետև Je veux le monde՝ Նատալիայի մեկնաբանությամբ:

հետո դուետ Կամիլ Լուի և Լուի Դելորի կատարմամբ ՝Tomber dans ses yeux

հինգերորդը Լուի Դելորի կատարմամբ Sur ma peau

Նոր երաժշտական կտորը, Կամիլ Լուի նորովի մեկնաբանությամբ 2013թ-ին դուրս եկավ , այն կոչվում էր Les mots que l'on ne dit pas

պատրաստեց՝ Ռուզան Պետրոսյանը


P.S.- Le premier album du spectacle, sorti le 2 avril 2012, comprend :

1. Pour la peine (Rod Janois, Nathalia, Sébastien Agius, Roxane Le Texier, Matthieu Carnot et Camille Lou) - 3:19
2. Hey ha (Sébastien Agius) - 3:01
3. Je veux le monde (Nathalia) - 3:18
4. Ça ira mon amour (Rod Janois) - 3:41
5. Le temps s'en va (Matthieu Carnot et Camille Lou) - 2:52
6. Fixe (Rod Janois) - 3:02
7. Je mise tout (Roxane Le Texier) - 3:10
8. La sentence (Camille Lou) - 3:34
9. Maniaque (Matthieu Carnot) - 2:59
10. La rue nous appartient (Rod Janois et Matthieu Carnot) - 3:52
11. A quoi tu danses ? (Sébastien Agius) - 2:36
12. La nuit m'appelle (Nathalia) - 3:15
13. Le cri de ma naissance (Nathalia) - 2:43
14. Ça ira mon amour (version acoustique) - 4:26

L'album intégral, disponible depuis le 22 octobre 2012, comprend :